श्रीकृष्ण नीति २

श्रीकृष्ण नीति २

(कॉपी राईट नोंदणीकृत लेखमाला)

 

श्री गणेशाय नमः !!! श्रीगुरुवे नमः !!!

श्रीकृष्णाच्या रूपाचं, स्वरूपाचं , उद्देशयांचं , ध्येयांचं , संबंधांचं आणि महत्वाच म्हणजे व्यक्तित्वाचं आकलन होणं शक्यप्राय नाही. म्हणून काही महत्वाचे पैलूच आपण पाहूया. मुख्य उद्देश त्यातून आजच्या काळाला सुसंगत काही सापडततं का आणि ते कितपत आचरण योग्य आहे, याचा पण विचार करूया . 

वास्तविक कृष्णलीलांची सुरवात ख़र तर त्याच्या जन्माच्याही आधीपासून सुरु झाली होती . कृष्ण जन्माचं एक वैशिष्ट्य आहे की प्रत्येक गोष्टीमागे कारण मीमांसा आहे. प्रत्येक घटनेमागे आधीच्या कोणत्याना कोणत्या तरी गोष्टीचा संदर्भ आहे. प्रत्यक्ष्य श्रीकृष्णाच्या अवतार समाप्तीला सुद्धा वालीच्या वधाची पूर्वपीठिका आहे. 

हा भाग नन्तर विस्ताराने येईलच अन्यथा विचार करा की, एक महाकाव्य लिहिलं सत्ययुगात वाल्मीकि ऋषिनी आणि दूसरं महाकाव्य लिहिलं गेलय द्वापरयुगात पण काही संदर्भ आलेत. अजुन एक संदर्भ आहे तो म्हणजे रामायण हे महाकाव्य घड़ण्याआधी लिहिलं गेलय, कित्येक वर्ष आधी आणि महाभारत हे महाकाव्य सर्व घडून गेल्यावर व्यास मुनिनी लिहून घेतलं. . 

आधीच्या जन्मात देवकीने तप करून स्वयं भगवान विष्णुना प्रसन्न करून घेतलं आणि पुत्ररूपात उदरी जन्म घेण्याची इच्छा प्रकट केली . पण हे त्याच जन्मात शक्य नसल्यामुळे भगवंतानी त्याना पुढील जन्मी म्हणजेच द्वापार युगात श्रीकृष्ण अवतारात देवकीच्या उदरी जन्म घेतला. 

हाच धागा सूत्र म्हणून धरून पुढे जायच ठरवूया आणि अनेक गोष्टींचा संदर्भ आधी शोधून काढू. ज्यायोगे कृष्णाच्या जन्मातील कर्म रहस्य, त्यायोगे आधी जाणून घेता येईल. कृष्ण चरित्रातील सर्वात महत्वाची गोष्ट ती ही की , हा जन्म सर्व समावेशक असल्यामुळे तो प्रत्येक रुपात त्या त्या गुणांचा पुरस्कार करतो . 

अश्याच अद्भुत रहस्यानी युक्त श्रीकृष्ण चरित्राचा रहस्य वेध करण्याचा प्रयत्न प्रभुकृपेने करणार आहे . बघुया कस कस होतय ते. 

श्रीकृष्णाय नमोनमः !!! हरये नमः !!! योगेश्वराय नमः !!!!

सद्गुरु चरण शिरसावंद्य !!!

© प्रसन्न आठवले 

०४/०५/२०२० (कॉपी राईट नोंदणीकृत लेखमाला)

भाग द्वितीय समाप्त 

ॐ ॐ ॐ ॐ ॐ ॐ ॐ ॐ ॐ ॐ ॐ 

श्री श्री श्री श्री श्री श्री श्री श्री श्री श्री श्री