ll सद्गुरू बोध ll

ll सद्गुरू बोध जाणा ll

सद्गुरुचरण वंदन हाची धर्म एक जाणा 

बाकी खेळ मनाचे अधिक उणे न माना

चरण नमन सद्गुरूंचे 

साधते हित जन्मांचे

अहित न करणे  बोध गुरुवचन जाणा

सद्गुरुचरण वंदन हाची धर्म एक जाणा 

मन क्षणक्षण चंचल

त्यासवे न व्हावे चल

त्याला नित्य नामात बांधणे  वर्म हे जाणा

सद्गुरुचरण वंदन हाची धर्म एक जाणा 

करणे न काही कर्मधर्म 

पालन गुरूआज्ञा हे मर्म

साशंक न राहणे गुरू करतील हे जाणा

सद्गुरुचरण वंदन हाची धर्म एक जाणा 

प्रारब्धाने काही होवो

कर्मबंधाचे फल ते येवो

श्रेष्ठ नामभक्ती तुज तारेल इतुके समजाना

सद्गुरुचरण वंदन हाची धर्म एक जाणा 

©® कवी : प्रसन्न आठवले

२४/१२/२०२०

०७:२९