माळ चौथी २०१७

अश्वीन शुद्ध चतुर्थी
नवरात्री चतुर्थ  दिवस
माळ चौथी अर्पण

मस्तकी तुझा हात राहुदे
आजन्म तुझी साथ राहुदे
योगेश्वरी माते माझे जोगाईचे अंबे

तुझ्या कृपेची पूर्ण सावली
भक्ता झेली तूच संकटी
मायामोचन माते माझे जोगाईचे अंबे

त्रिभूवन ख्याते कुमारी रूपे
चित्पावना तू वाट दावीते
कुलदैवत तू अमुचे माझे जोगाईचे अंबे

सकला आशीर्वाच तू देसी
मोक्ष मार्गा आम्हा दावीसी
अनेक रुपे तुझी माते जोगाईचे अंबे

जगा तारण्या जन्म घेतला
भवसागर आई सुकर केला
शक्ति रूपिणी माते माझे जोगाईचे अंबे

आठवले ते शब्द जोडले
प्रसन्न होऊनी आशीर्वचले
चिंतामणी तू होसी माते जोगाईचे अंबे

कवी : आठवले प्रसन्न चिंतामणी
२४/०९/२०१७