श्रीराम जानकी प्रथम भेटीवर गीत मालिका ६

जानकी श्रीराम प्रथम भेटीवर आधारित गीत मालिकेत भाग ६ गीत ६

ज्येष्ठ भ्राता श्रीराम सुद्धा मिथिला स्तुति करत आहेत बघून लक्ष्मण सुद्धा भारावून जातो. आणि त्याच आनंदात लक्ष्मणाच लक्ष समोरच काही अंतरावर उभ्या असलेल्या आणि हास्य संवादात दंग असलेल्या काही युवतींकड़े जातं. तत्क्षणी त्याच्या लक्षात येत की त्यांचं आपल्या दोघांकडे बघुनच हसण आणि थट्टा  चालू आहे. शीघ्रकोपि लक्ष्मण आधी पटकन रागावतो आणि त्याच आवेशात तो प्रभुना म्हणतो 

जाणवे मनास जणु त्या युवती करती हास्य
पाहुनिया आपणासी चहाटळे करी भाष्य
क्रोधाने मन बहुवेगे उसळे जैसा प्रदीप्त
असा शीघ्र जाऊन वाटे पृच्छावे प्रमाद

मज माझे ना वाटे काही आपुला अपमान
कारण मज बहु वेगे येई राग रुधिर चेत
जाऊनिया वेगे मी आज्ञा व्हावी क्रमास
दूर करुनी येतो त्वरे मी त्यांच्यां भ्रमास 

प्रभु बोलती शांत वदने डोळ्यातून आत्मभावे
काधि न क्रोधा करिसी वेगे सदा मनास जपावे
उत्तम पुरुषा क्रोधे सत्वर आवरता तो यावा
सदा मनाचा दुसऱ्यांच्या आधी विचार करावा

ठाऊक नाही कारण जेंव्हा कधीही न करी त्रागा
विवेक गमवे क्रोधे वागे तयास जगी न जागा
अतिउत्साही अतिशीघ्र करी निर्णय नेई घाता
शांत मनाने विचार करणे विवेक ठेवून जागा 

श्रीरामाच्या या बोलने क्रोध आवरून पाही
ज्येष्ठ भ्राता स्वयमप्रकाशी आत्मरूपा वाही
शांत होऊनी बंधु लक्ष्मण बोले वरमुन भावे
आपण बोलावे ते ते व्हावे तव मार्गे मी चालावे

आपण खुप लवकर उगाच आणि कारण जाणल्या शिवाय बोललो, यांच् खरच वाइट वाटून कनिष्ठ भ्राता लक्ष्मण खजील होऊन म्हणतो आपण जस सांगाल तसच होईल .पण तरीही एक शंका निरसन व्हाव यांच शुद्ध हेतुने मी बोलणार होतो, पण किंचित क्रोधित झालो इतकंच.
 अश्या प्रकारे राम लक्ष्मण संवाद चालू असताना. तिकडे जानकी सह सखींच काय चालू आहे तिकडे डोकावून  बघुया पुढील भागात .

ll जय श्रीराम ll
०७/०९/२०१७