श्रीराम जानकी प्रथम भेटीवर गीत मालिका ३

जानकी श्रीराम प्रथम भेटीवर आधारित गीत मालिकेत भाग ३ गीत ३ :

आता अशी चेष्टा मस्करी त्याही काळात सखींमधे होत असणार. पण हे छेडाछेड़ी चालू असताना जानकी स्वतः लटक्या रागाने सखींकड़े बघत असते. आता त्यांच्यां बोलण्यावर मैथिली काय बोलते ते बघू जरा.

वदे मैथिली सखींस आपल्या  थट्टा आता पूरे
उगीच कथिले मनी आपुल्या भासले मी कौतुके
मला आपुले दिसले तिकडे क्षात्र तेज कुमाराते
वाटे बंधू असे थोरला दोन्ही जरी राजसे

इतुके मनी बस आले बाकीं मनात काही नसे
तुम्ही समजता तसले काही विचारिही नसे
उगा चिडवूनी मला छेडणे थांबावे सत्वरे
लगे जाऊनी पिताश्रीस या तक्रारी  सांगते

म्हणे उर्मिला उगाच त्रागा नको करू जानकी
तुझ्या नाटका जाणुनि आहे मीही तुझी भगिनी
तुझ्या मना जे दृढ़ वाटते तेची तू वदसि जनी
जनात नाही वदसि तू जे नसते तुझिया मनी

पुन्हा पुन्हा त्या विषयी छेडूनी जाणे मी उद्देश्या
मनीची इच्छा तुमच्या सखिनो माझी हे सांगता
तरीही तुमचे भाव जाणुनि आहे मी प्रत्येका
नच चाले आता काहीही जाणे तुमच्या क्लूपत्या

असेल जरिहि मनी तुझ्या सांगावे तू वैदेही
इच्छा कोणा युवका वरती मन जडले मैथिली
उगा बोलुनी त्रास देउनी मज तू का छेडीसी
चला चला मग आता जाऊ पार पिताश्रीप्रति

इतुके काही नको कराया मनी असें वेगळे
भाव मनीचे जाणुनी आहो साधे जरी हे डोळे
तूच छेडीसी विषया आपण आता लटके भोळे
मन तुझे ना कधी घसरले किती होते कोवळे

अशी ही छेडाछेड़ी या बाजूला चालू असताना आपण अजुन दुसऱ्या बाजूला डोकावून बघितलच नाहीये. तिथे श्रीराम आणि लक्ष्मण या दोघांमधला संवाद आपण एकला नाहीये. चला तर आता पुढच्या भागात तिकडे डोकावून बघुया.

कवन : प्रसन्न आठवले
०३/०८/२०१७
२३:४५