भोग आणि ईश्वर ५६७

भोग आणि ईश्वर  ५६७ (१डिसेंबर, २०२० पासून अखंड) 

  

काल आपण ईश्वराच्या स्थूल अर्थात macro अस्तित्वा बद्दल चिंतन केलं. आता आज micro म्हणजे सूक्ष्म अस्तित्वाबद्दल बोलण्याआधी हे लक्षात घ्या की, स्थूल आणि सूक्ष्म या शब्दाबद्दल आपण ज्ञानोबा माऊलीच्या एका अभंगात  ऐकलं आहे की, 

तुज सगुण ह्मणों कीं निर्गुण रे ।

सगुण-निर्गुण एकु गोविंदु रे ॥१॥

तुज स्थूळ ह्मणों कीं सूक्ष्म रे ।

स्थूळसूक्ष्म एकु गोविंदु रे ॥३॥

याचं अभंगाच्या तिसऱ्या कडव्यात माऊली म्हणतात की, तुज स्थुळ म्हणू की सूक्ष्म रे. यातील स्थूल अस्तित्व आपण कालच्या भागात पाहिलं, त्यावर अजून विवेचन आज पाहूया. संपूर्ण जगताची, ब्रम्हांडाची, चराचराची काळजी घेण्यासाठी, जी व्यवस्था निर्माण करण्यात आली आहे, त्याची निर्मिती स्वयं विधात्याने केली आहे. ती सुसुत्रतेने चालू आहे, हे बघण्यासाठी तशी chek system अर्थात नियंत्रण व्यवस्था, उत्तम रीतीने, युगानुयुगे कार्यरत आहे. 

या सगळ्यात, कुठेही चूक, फेरबदल, घातपात होत नाही. आज कलियुगात इतकी वर्ष झालीत, पण त्याच्या प्रभावाने, एखादा मृत्यू उशिरा झाला, कोणाला न्यायचं राहून गेलं, जन्माच्या वेळा चुकल्या, कर्मफल व्यवस्थेत काही चुका झाल्या, असल्या कोणत्याही गोष्टी अशक्य कोटीतील आहेत. इतकी ही व्यवस्था चोख आहे. ज्याला इंग्रजीत zero tolerance manage ment म्हणतात, त्याचा आद्य प्रवर्तक, स्वतः ईश्वर आहे.  पंचमहाभूतांचं गणित हे या सृष्टिशी जोडलेलं असल्यामुळे, त्यात काळा नुसार होणारे बदल, जसं global warming, ऋतु बदल, हवामान, वातावरण इत्यादी सर्व मानवाच्या कर्मांशी निगडित आहे. 

त्यामुळे त्यातील बदलाचे परिणाम मानवालाच भोगावे लागणार. पण त्यामुळे ईश्वराच्या व्यवस्थेत कोणताही बदल होणार नाही. पूर्वीच्या काळी मोठ्या प्रमाणात जीवित हानी ही, युद्ध, नैसर्गिक आपत्ती इत्यादी द्वारे होत असे. आता काळाच्या बदलामुळे, मानव निर्मित कारणं जसं प्रदूषण, रोगराई, पुर, प्रचंड पाऊस, दुष्काळ, अश्या अनेक कारणांनी हे मृत्यूचं प्रमाण राखलं जातच. मानवी बुद्धीने त्यात काही कारणात झालेले बदल, मानवाच्याच, इतर चुकांमुळे, घडतच आहेत. 

वाढता ताणतणाव, कामाचं बदललेलं स्वरूप, मानसिक शांती बिघडवणारी इतर अनेक मानव निर्मित कारणं, मानवी कर्माच्या फळाला, त्याच्या पदरात टाकतात. पण या सर्वात भुलोकीचं  बिघडलेलं संतुलन , पूर्ववत व्हावं यासाठी, ईश्वराकडून केले जाणारे corrections आजही होत आहेत आणि पुढेही होतच राहतील. 

 यावर, स्थूल जगतावर आणि ईश्वराच्या सूक्ष्म अस्तित्वा बद्दल आपण उद्याच्या भागात चिंतन करूया. पण त्यानेच निर्मिलेल्या नामाच्या प्रभावात राहूनच, हे चिंतन करत राहूया. 

भोग आणि ईश्वर भाग १  (लेख क्र १ ते ६७) व भाग २ (लेख क्र ६८ ते १३७), ही पुस्तकं उपलब्ध आहेत. आपण खाली दिलेल्या मोबाईल नंबरवर संपर्क साधून, , पुस्तक मागवू शकता.  

©® विचार व  लेखन : प्रसन्न आठवले

२०/०६/२०२२

९०४९३५३८०९ wap

९९६०७६२१७९

🕉️🕉️🕉️

श्रीकृष्ण प्रेरणा!!श्रीकृष्णार्पणमस्तू !!