prasanna athavale

श्रीकृष्ण नीति १४ (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! दुर्योधनाबरोबर असलेलं व त्याचप्रमाणे त्याच्याबरोबरच संपलेलं अजून एक महान व्यक्तित्व. ज्याच्या दुर्दैवाचा फेरा जन्माने सुरू होतो.एक शूरवीर उपेक्षित राहिलेला, क्षत्रिय असुनही सुतपुत्र म्हणून हिणवला गेलेला, अजेय योद्धा असूनही अपात्र ठरलेला,अस्त्र शस्त्र, दिव्यास्त्र असूनही त्याचा वापर न योग्य समयी करता आलेला, जन्माचं रहस्य माहीत नसल्यामुळे भगवान परशुराम यांच्याकडून शिक्षण घेऊनही मिळालेल्या शापामुळे, त्या अस्त्रांचा उपयोग न करू शकलेला असा अलौकिक वीर, पण प्रारब्धाच्या विचित्र चक्रात अडकलेला महावीर, दान वीर कर्ण. जिथे क्षत्रियत्व सांगावं लागलं आणि तिथे ते मान्य झालं नाही, परंतु श्रीपरशुराम यांच्याकडे,क्षत्रिय नाही या समजुतीने, ग्रहण केलेलं अस्त्र शस्त्र ज्ञान, त्यांनी निव्वळ एका प्रसंगवरून क्षत्रियत्व ओळखूलं, म्हणून शाप दिलेला.  जन्मतः शरीरावर कवच आणि कानात अजेंयत्वाची कुंडलं मिळालेला, परंतु योग्य वेळीच ही कवचकुंडलं काढून घेण्यात आलेला. सुर्यपूत्र आणि ज्येष्ठ कौंतेय असूनही रिक्त हस्त असलेला, जीवन...

श्रीकृष्ण नीति १३ (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! काल पितामह भीष्म यांचा विचार केला. आज गुरू द्रोणाचार्य यांच्याबद्दल बघण्याचा प्रयत्न करूया. वास्तविक महाभारत हे चुकांची मोठी थैली आहे. ज्यातून पुढच्या कित्येक पिढ्याना नव्हे कित्येक युगांना पुरेल इतकी देणगी या एका महाकाव्याने जगताला दिली आहे. आचार्य द्रोण एका गरीब कुटुंबातून आलेले होते. महर्षी भारद्वाज यांचे पुत्र असलेले आचार्य द्रोण, सर्व प्रकारच्या अस्त्र व शस्त्र कलेसह, अनेक शास्त्रांचे देखील उत्तम अभ्यासक होते. पांचालनरेश राजा द्रुपद याच्याशी असलेल्या वैरामुळे आणि परिस्थितीमुळे सुरवातीला, अत्यंत हालाखीत काढलेले दिवस, गुरु द्रोण कधीही विसरले नाहीत. म्हणूनच अश्या काळात भीष्मांनी, पांडव आणि कौरव पुत्रांच्या शिक्षणासाठी दिलेलं गुरुपद, हे आपल्यावर खूप मोठे उपकार आहेत हे त्यांनी, आयुष्यभर लक्षात ठेवलं. परंतु यात ते हे विसरले कि,त्या उपकाराच्या ओझ्याखाली ते पूर्ण दबून कौरव विशेषतः दुर्योधन आणि शकुनी यांच्या प्रत्येक गैरकृत्यावर गप्प राहून, एकप्रकारे साथ देत आले.  यात विशेष बाब म्हणजे ते महाराज धृतर...

श्रीकृष्ण नीति ७ (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!!  कालच्या भागात श्रीकृष्ण आणि श्रीराम यांच्यातील साम्य आणि भिन्नता मुद्दाम बघण्याचं खासच कारण आहे .त्रेतायुग समाप्तीला श्रीराम अवतार संपला आणि द्वापारयुग समाप्तीला श्रीकृष्ण अवतार संपला. या मधे कितीक हजार वर्ष निघुन गेलेली आहेत. त्यामुळे त्रेता युगातील परिस्थिती आणि द्वापारयुगातील परिस्थिती, यात जमीन आकाश इतका फरक पडलाय. त्रेतायुगात मुख्य शत्रु समुद्रापार होता. तर द्वापारयुगात, हाच शत्रू प्रत्यक्ष्य घरातच आहे. जस श्रीकृष्णाबाबत कंस-मामा, , रुक्मी - मेहणा, शिशुपाल-- आतेभाऊ, पांडवांबाबत भीष्म - आजोबा, द्रोणाचार्य - गुरु, कर्ण - सख्खा भाऊ, कौरव सख्खे - चुलत भाऊ , शकुनी - कौरवांचा मामा .  असेच अनेक प्रकारचे घरातीलच शत्रू असेलेलं वातावरण म्हणजे पूर्ण भिन्न परिस्थिति. म्हणजेच जे आदर्श, जी तत्वे , जी मूल्य रामायणात जीवापाड जपली, त्याच मुल्यांच्या पूर्ण विरुद्ध वागावं लागणारा वा वागायला भाग पडणारा काळ. जूनी मूल्य मोडित काढून,नवीन मुल्यांना जन्म देणारा काळ. इथे दोनच शक्यता किंवा वाटा वा निर्णय सं...

श्रीकृष्ण नीति ६ (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! आपला मूळ कथाभाग सोडून, आज प्रथम श्रीराम व श्रीकृष्ण या भिन्नप्रकृतीच्या अवतारांविषयी लिहावं, असं वाटतंय. पौराणिक वाङ्गमयानुसार दशावतारातील अनुक्रमे ७ आणि ८ वे अवतार असलेले हे देव विशेष आहेत. याच कारण आधीच्या ६ अवतारांमधे ५ वा वामनरूपी आणि ६ वा परशुराम हे दोनच मानवरूपी होते. यात देखिल वामन आणि भार्गवराम हे दोन्ही अवतार संसार न केलेले होते. म्हणजेच ब्रम्हचारी या सदरात येणारे होते. तद्वत तुलना ही फक्त ७ व ८ या दोन रितसर लग्नकार्य करून अवतार कार्याचे उद्दिष्ट साध्य करणारे, प्रभुश्रीराम आणि श्रीकृष्ण, यांच्यातच होऊ शकते. आता आपण या दोन्ही म्हणजेच श्रीराम व श्रीकृष्ण यांची साम्यस्थळे आधी बघुया :  १. दोन्ही अवतार हे राजघराण्यात जन्म घेतलेले होते. कारण कृष्ण नंदाघरी वाढला तरी यादवराज श्रीवसुदेव यांचे पुत्र होऊन आलेले आणि प्रभू श्रीराम रघू कुलात अवतार धारण करून आलेले.  २. दोघानाही राज्य भोग घेता आला. (श्रीरामांचा वनवासा नंतर, पूर्ण राज्याभिषेक होऊन, कित्येक वर्षे राज्यकारभार घडला)  ३. दोघानीही अ...

श्रीकृष्ण नीति ५ (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! कृष्ण जन्माची बीजं रामजन्मात आहेत याचे काही दाखले देतो  १. राम जन्मात लंकेत प्रभूराम यांनी आपली भक्त असलेल्या चित्रसेना नांमक एका नागकन्येला (अहिरावण आणि महिरावण वधानन्तर) वचन दिल होतं की एक रात्र मी तुझ्या महाली येईन, परंतु ज्या मंचकावर मी बसेन, तो एक रात्र राहिला तर मी तुला वरेन. ही कथा रामानंद सागर यांच्या रामायणात देखील आहे. मग हनुमंत भुंग्याकरवी तो मंचक पोखरुन घेतो, ज्याद्वारे प्रभु आपल्या वचनातून मुक्त होतात. पण त्या स्त्रीला प्रभू, भक्तवत्सल असल्यामुळे वचन देतात की,मी तुला पत्नी रुप स्वीकारण्याचं वचन दिलं होतं, त्यामुळे पुढील जन्मी द्वापारयुगामध्ये कृष्णावतारात मी तुझ्याशी विवाह करून तुला माझी राणी करीन.ही कथा वाचल्याचं स्मरतय. हीच स्त्री पुढील जन्मीची सत्यभामा. हा अजून एक श्रीराम व श्रीकृष्ण अवताराचा संदर्भ. २. मागे प्रथम भागात उल्लेख केल्याप्रमाणे वाली वधा नंतर वाली प्रभुना विचारतो की काय कारणाने आपण मला मारलेत. त्यावेळी प्रभु त्याला त्याच्या पापांची आठवण करून देतात आणि सुग्रीव मला शर...

श्रीकृष्ण नीति ४ (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! गेल्या भागात आपण एक राजकीय षडयंत्र या दृष्टीने बघितलं. पण यातून एक प्रश्न निर्माण होतो की यासाठी वसुदेव आणि देवकी यांचीच निवड का करण्यात आली असावी. यासाठी भारतीय मानसिकता, जी आताच्या काळात सुद्धा तशीच आहे, त्याचा प्रामुख्याने विचार करावा लागेल.  तुम्ही आताच्या काळातले किंवा ६०, ७० वर्षातले चित्रपट, किंवा मालिका हे पाहिलं, तर एक गोष्ट ध्यानात येईल. जेंव्हा एखाद्या सत्तेला आव्हान द्यायचं असेल, तेंव्हा तेंव्हा त्यांच्याच रक्ताचा प्रतिनिधी असेल तर सर्वमान्य नेतृत्व म्हणून स्विकारल जातं. ही मानसिकता उत्तरेत आणि बऱ्याच अंशी दक्षिणेत सुद्धा आहे.  दूसरी बाब जी प्रकर्षाने जाणवते ती ही की, ज्याला आव्हान द्यायचं असेल त्याची जास्तीत जास्त माणस आपल्या बाजूने वळवून घेणं सोप्प जात.हीच मानसिकता आजसुद्धा बऱ्याच प्रमाणात आढळून येते. वंशपरंपरेने येणाऱ्या क़ूवतीवर अजुनही, लोकांचा विश्वास आहे किंवा श्रद्धा आहे, हीच अतिश्रद्धा कधी कधी आत्मघाताला आणि पर्यायाने विनाशाला पण कारणीभूत ठरते. तो एक वेगळा विषय आहे. ...

श्रीकृष्ण नीति ३ (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! कृष्ण जन्माच्या आधी सुरु झालेली हि अद्भुतता आणि कृष्ण लीला एक विलक्षण अनुभूती आहे. ती कितीही वेळा वाचली तरी त्याची गोडी कमी होत नाही.एक कल्पना म्हणून असं समजूया कि कृष्ण कथा किंवा संपूर्ण महाभारत हि एक काल्पनिक कथा आहे. म्हणजेच व्यास विरचित नयनरम्य चित्रकथा आहे आणि आताच्या जमान्यातील प्रसार माध्यमांचे निकष त्याला लावले तर एक सुंदर कहाणी आहे, कृष्ण नावाच्या कोण्या राजाचे महत्व वृद्धिंगत होण्यासाठी. तरी त्यातून काही गोष्टी अचंबित करतात त्या येणेप्रमाणे : १. इतक्या पुराण काळात जिथे कोणतंही प्रसार माध्यम       वा संपर्कांचे साधन नसताना, उत्तरेतील एका     राज्याच्या कपोलकल्पित कथा, संपूर्ण भारतभर      प्रसारित होतात, त्याची देवळे बांधली जातात,       युगानुयुगे त्याचे पुजन केले जाते , २. कथांचा संदर्भ बऱ्याच अंशी तोच किंबहुना त्याच कथा      वेगवेळ्या भाषेत लिहिल्या गेल्यात. आज देखील     कोणत्याही भाषेतल्या कथांचं,भाषान्...

श्रीकृष्ण नीति २ (कॉपी राईट नोंदणीकृत लेखमाला)   श्री गणेशाय नमः !!! श्रीगुरुवे नमः !!! श्रीकृष्णाच्या रूपाचं, स्वरूपाचं , उद्देशयांचं , ध्येयांचं , संबंधांचं आणि महत्वाच म्हणजे व्यक्तित्वाचं आकलन होणं शक्यप्राय नाही. म्हणून काही महत्वाचे पैलूच आपण पाहूया. मुख्य उद्देश त्यातून आजच्या काळाला सुसंगत काही सापडततं का आणि ते कितपत आचरण योग्य आहे, याचा पण विचार करूया .  वास्तविक कृष्णलीलांची सुरवात ख़र तर त्याच्या जन्माच्याही आधीपासून सुरु झाली होती . कृष्ण जन्माचं एक वैशिष्ट्य आहे की प्रत्येक गोष्टीमागे कारण मीमांसा आहे. प्रत्येक घटनेमागे आधीच्या कोणत्याना कोणत्या तरी गोष्टीचा संदर्भ आहे. प्रत्यक्ष्य श्रीकृष्णाच्या अवतार समाप्तीला सुद्धा वालीच्या वधाची पूर्वपीठिका आहे.  हा भाग नन्तर विस्ताराने येईलच अन्यथा विचार करा की, एक महाकाव्य लिहिलं सत्ययुगात वाल्मीकि ऋषिनी आणि दूसरं महाकाव्य लिहिलं गेलय द्वापरयुगात पण काही संदर्भ आलेत. अजुन एक संदर्भ आहे तो म्हणजे रामायण हे महाकाव्य घड़ण्याआधी लिहिलं गेलय, कित्येक वर्ष आधी आणि महाभारत हे महाकाव्य सर्व घडून गेल्यावर व्यास मुनिनी लिहून घ...

श्रीकृष्ण नीति १  (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! युगांधर, युगपुरुष, युगप्रवर्तक, योगेश्वर, जगतोद्धारक , भक्तवत्सल,त्राता,तारणहार,अश्याच अगणित नामा भिधानाने या जगावर युगानुयुगे मोहिनी करून असलेल्या आणि आपल्या गुणवर्णन विशेषाहुन दशांगुळे उरलेला श्रीकृष्ण.कृष्णाच्या चरित्राचा वेध घेणं म्हणजे महा सागरात अणु सम एखादा कण शोधण्याइतकंच कठीण, किंबहुना अत्यंत दुरापास्त कर्म.त्यामुळे हा विषय विचारात येण्याची प्रेरणा,प्रत्यक्ष त्यानेच दिली असणार हेच गृहीत धरून, काही भागात कृष्णचरित्राचा विश्लेषणा त्मक मागोवा घेण्याचं ठरवून, हा लेख प्रपंच करण्याचं योजलं, अर्थात त्या योगेश्वराच्या आधारावरच हे सम्पूर्णा कडे जाईल हे निश्चित .  या युगप्रवर्तक व्यक्तीच्या चरित्राचा विचार करण्याचं कारण म्हणजे, त्याच्या चरित्रातील विविधता. विश्व कवेत घेण्याची ताकद असणारा बालकृष्ण यशोदामातेला घाबरतो, तिच्या आज्ञेबाहेर नाही,पण तीच माता रागावल्या नन्तर तिचा रुसवा काढण्याची चलाखी, चातुर्य त्याच्याकड़े आहेच , पण त्याच बालरूपात पूतनासारख्या राक्षसीला मारण्याचं अचाट आणि अफाट सामर्थ्य...

श्रीकृष्ण नीति १२ श्री गणेशाय नमः !!! श्रीगुरुवे नमः !!! श्रीकृष्ण नीती ही युद्ध या कार्यापुरती नाही आणि फक्त युद्धा पर्यंत संपत नाही. इतक्या कपटातून जाऊन,इतक्या राजकीय डावपेचांचा सामना करूनही आणि युद्धात बहुतेक सर्व महारथींना कृष्णनीतीनेच परास्त करूनही, पिताश्री धृतराष्ट्र भेटीला कोणतीही काळजी न घेता सरळ भेट घेणाऱ्या भोळ्या पांडवांना,विशेषतः भीमाला, कृष्णानेच वाचवलं, पुतळा पुढे करायला सांगून. इतके धडे मिळूनही, पांडव इतके बेसावध कसे राहू शकतात, याचं व्यक्तिशः मलाही आश्चर्य वाटतं.  कारण मागील प्रत्येक कपटात धृतराष्ट्र मूकपणे नक्कीच सहभागी होता, हे गत इतिहास सांगत होता. त्यापेक्षाही आपले दुर्जन असलेले पण तरीही प्राणप्रिय असलेले शंभरच्या शंभर पुत्र ज्यांनी मारले, त्या आपल्यावर, धृतराष्ट्राचा काहीच राग नसेल, हे इतकं सर्व महाभारत पाहिलेल्या पांडवांना कसं काय लक्षात येत नाही, ही मोठी अजब आणि गजब गोष्ट आहे, माझ्यासाठी. विशेषतः राजाने तर नक्कीच भोळ असता कामा नये, त्याने सर्वात जास्त सावध असलं पाहिजे.  सर्व आयुष्य ज्या कौरव कुटुंबाने फक्त कट , कपट आणि कारस्थानं हेच दिलं त्या कुटुंबाशी...

श्रीकृष्ण नीति ११ (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! श्रीकृष्ण गोविंद हरे मुरारी हे नाथ नारायण वासुदेवा श्रीकृष्ण या नावाबरोबर एक नाव जोड़ल गेलय ते म्हणजे राजकारण. या शब्दाची परिपूर्ण व्याख्या करणं, तसं मुश्किल आहे. राज्य करताना केलेली खलबतं किंवा कौशल्य आणि युक्त्या वापरून आपले डावपेच यशस्वी करण्याचा यत्न करणं किंवा हेतु सफल करण्यासाठी केलेली कृत्य. ही झाली एक मर्यादित व्याख्या.  अर्थात ह्यात फक्त राज्य करताना करण्यात आलेल्या युक्त्या, प्रयुक्त्या , डावपेच याचाच समावेश होतो. यात तोपर्यंत दृढ़ असलेले बरेच समज श्रीकृष्णानी खोटे ठरवत अनेक नवीन पायन्डे पाड़ले. शत्रूचा पूर्ण अंदाज घेणं, त्याची इथंबूत माहिती असणं , ती मिळवणं, शत्रूच्या ताकदीनुसार डाव आखणी करणं, त्या माहितीचा युद्धात आणि तहात उपयोग करून घेणं, या सर्व गोष्टीत नव नवीन युक्त्या वापरून कधीही कोणत्याही शत्रूला वरचढ होऊन दिलं नाही.  इथे एक गोष्ट जाणवते की, यातील अनेक कौशल्याचा वापर प्रत्यक्ष छत्रपतींनी आणि नन्तर पेशव्यानी करून अनेक लढाया मारलेल्या आहेत.  मुख्य तंत्र जे छत्रपतींनी वापर...

श्रीकृष्ण नीति १० (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! श्रीकृष्ण गोविंद हरे मुरारी हे नाथ नारायण वासुदेवा श्रीकृष्णाचं सर्वात मुख्य हत्यार वा शस्त्र होत ते म्हणजे अत्युच्च कोटिचं बुद्धिचातुर्य. कदाचित चाणक्य नीतिचे धडे वा तत्व यांचा उगम कृष्णनीतीत असावा. तिथूनच कूटनीती हा शब्दप्रयोग अस्तित्वात आला असावा. उदाहरणार्थ  - शत्रुला गाफिल ठेवणं आणि आपल्या ताकदीचा अंदाज येऊ न देणं. अश्या गाफिल शत्रुला हरवणं हे त्याला जेंव्हा कळेल तोपर्यंत,चडफड़णं हेच फक्त त्याच्या हातात राहतं. - रणनीति आखताना शत्रुच्या ताकदीचा अंदाज घेऊन त्याप्रमाणे आपली चाल ठरवणं. शत्रूच्या कमजोर बाजूंचा विचार करून, त्यानुसार आपली चाल आखणं  - जर काळ योग्य नसेल किंवा शत्रु प्रबळ असेल वा युद्ध करणं ज्याक्षणी क्रमप्राप्त नसेल वा अन्य संयुक्तिक कारण असेल तर प्रसंगी माघार घेणं, हे जरी युद्धनीतीत त्या काळात गैर समजलं जात असलं, तरीसुद्धा त्याही नीतीचा कुशलतेने वापर करून , प्रसंगी रणछोड़दास ही उपाधी प्राप्त करून शत्रुला तात्पुरता आनंद देऊन, नन्तर त्याचा संपूर्ण नायनाट करण्याचा नवा प्रघात वा रणन...

श्रीकृष्ण नीति ८ (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! कालपर्यंत आपण श्रीकृष्ण व श्रीराम याना भिन्न रुपात पाहात होतो. त्यांचं भिन्नत्व हे मुख्यt: देह भिन्नतेमुळे, त्याकारणे भूमिका सुद्धा वेगवेगळ्या होत्या. काळाच्या दोन वेगवेगळ्या बिंदुंवर भगवंतानी घेतलेली दोन रूपे . एकच आत्मा दोन भिन्न प्रकृती स्वरुपात प्रकट होऊन, काळाला सुसंगत अश्या भूमिकेतून, आपल्या उद्देश्याप्रत गेले वा पोहोचते झाले.  असो तात्पुरतं इतकंच समजूया की, सध्या आपण काळाच्या त्या भागात आहोत अर्थात द्वापारयुगामध्ये, जिथे मुल्यांची पुनर्माण्डणी सुरु झाली. म्हणून त्या काळाचा मागोवा घेणाऱ्या काही घटनांचा तपशील आज मांडतो. इथे काही अचंबित करणाऱ्या गोष्टी आहेत, त्या पुढीलप्रमाणे  - सत्यवतीच्याच लग्नाआधीच्या पुत्रापासून म्हणजेच व्यासऋषिपासून पुढे वंशावळ चालू होते, जेंव्हा सत्यवतीची दोन्ही मूल चित्रांगद आणि विचित्रवीर्य हे असफल असतात, पुढे वंश चालवायला. त्यातील चित्रांगद हा अहंकारी असल्यामुळे, त्याच नावाच्या गन्धर्वा हातून मारला जातो आणि विचित्रवीर्य हा संततिसाठी असमर्थ होता. मग महर्षी वेदव...

श्रीकृष्ण नीति ९ (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! श्रीकृष्ण गोविंद हरे मुरारी हे नाथ नारायण वासुदेवा श्रीकृष्ण नीतिच्या मुख्य भागाकडे आता आपण येउया.  कृष्णाच्या बुद्धिमत्तेची झलक, त्यानी लहानपणी तीन मुख्य राक्षसाना मारून दाखवून दिली. एक गोष्ट तिथे सिद्ध झाली की, हे बालक काही वेगळी शक्ति घेऊन आलं आहे. मधल्या काळात त्यानी कालिया मर्दन आणि गोवर्धन पर्वताची पूजा करण्याचा नवीन प्रघात, सूरु करवून घेतला आणि याचीच बातमी कंसाकडे गेली. त्याने यानाच बोलावून मारण्याचं ठरवलं.कारण कंसाने ओळखल की, हेच ते दिव्य बालक आहे आणि गोकुळात जाऊन आपण याला मारू शकत नाही, हे त्याला कळून चुकलं होतं.  अर्थात हा डाव कंसावर उलटून, त्यात त्याचाच अंत झाला. हा कथाभाग सर्वश्रुत आहे. या सर्वात, मुख्य लक्षात घेण्याची बाब, म्हणजे कृष्ण रणनीति. ती अशी की, कंसाचं आमंत्रण स्विकारून, कंसाला गाफिल ठेवलं. अर्धी लढाई जिंकल्याचा आनंद घेऊ दिला नन्तर आपल्या बलाचा वापर करून, आधी त्याच्या मल्लाना, नन्तर प्रत्यक्ष कंसाला संपवलं. ही वर वर पाहताना एक साधी बाब वाटत असली तरी, त्रैलोक्याचा स्वा...

श्रीकृष्ण नीति ८ (कॉपी राईट नोंदणीकृत लेखमाला) श्री गणेशाय नमः !!! श्रीगुरुवे नमः !!! कालपर्यंत आपण श्रीकृष्ण व श्रीराम याना भिन्न रुपात पाहात होतो. त्यांचं भिन्नत्व हे मुख्यt: देह भिन्नतेमुळे, त्याकारणे भूमिका सुद्धा वेगवेगळ्या होत्या. काळाच्या दोन वेगवेगळ्या बिंदुंवर भगवंतानी घेतलेली दोन रूपे . एकच आत्मा दोन भिन्न प्रकृती स्वरुपात प्रकट होऊन, काळाला सुसंगत अश्या भूमिकेतून, आपल्या उद्देश्याप्रत गेले वा पोहोचते झाले.  असो तात्पुरतं इतकंच समजूया की, सध्या आपण काळाच्या त्या भागात आहोत अर्थात द्वापारयुगामध्ये, जिथे मुल्यांची पुनर्माण्डणी सुरु झाली. म्हणून त्या काळाचा मागोवा घेणाऱ्या काही घटनांचा तपशील आज मांडतो. इथे काही अचंबित करणाऱ्या गोष्टी आहेत, त्या पुढीलप्रमाणे  - सत्यवतीच्याच लग्नाआधीच्या पुत्रापासून म्हणजेच व्यासऋषिपासून पुढे वंशावळ चालू होते, जेंव्हा सत्यवतीची दोन्ही मूल चित्रांगद आणि विचित्रवीर्य हे असफल असतात, पुढे वंश चालवायला. त्यातील चित्रांगद हा अहंकारी असल्यामुळे, त्याच नावाच्या गन्धर्वा हातून मारला जातो आणि विचित्रवीर्य हा संततिसाठी असमर्थ होता. मग महर्षी वेदव...