हलकं फुलकं ६ विषय : प्रत्यक्षालासुदधा हल्ली प्रमाण लागतं आणि दिसतं तसं नसतं. बघा तुम्हीच. प्रसंग १ सौ जरा फोनवर, एका खास मैत्रिणीशी बोलत होती. यांचं एक छान असतं. प्रत्येक जीवलग मैत्रिणीशी वेगळे वेगळे विषय ठरलेले असतात आणि त्याच विषयावर तिच्याशी हितगुज होतं. प्रत्येक संवाद हा हितगुजच असतो. तर तिसऱ्या कुठल्यातरी क्ष मैत्रिणीच्या नवर्याबद्दल चर्चा सुरू होती. सौ. अगं त्या क्षचा नवरा, ती सांगत होती, एरवीचं सोड,पण आता लोकडाऊन आहे, वर्क फ्रॉम होम आहे, तरीही एक काम करत नाही. सतत आपलं त्या लॅपटॉप मध्ये तोंड खुपसून बसलेला असतो आणि सारख्या मिटींग मीटिंग करत कामं टाळतो. मैत्रीण तिकडून उपयुक्त प्रतिसाद देत होती. सौ : हो ना. अगदीच आळशी आणि कामचुकार आहे. बघ की, एवढं काय मेलं ऑफिसचं काम असतं. मला यात लेकी बोले सुने लागे चा वास यायला लागला. म्हणून मी माझ्या लपटॉपवर काम करण्यासाठी आत पसार झालो. शेवटी जाऊ दे आपण बरं आणि आपला संसार बरा आपल्याला काय करायचं आहे......... हे भरतवाक्य ऐकलं आणि लक्षात आलं, तासाभराने फोन झाला. प्रसंग २ त्याच मैत्रिणीशी पुन्हा हुतगुज. बहुतेक या ...