खरी श्रद्धा !! (बोधकथा) - १ श्रद्धा जर 100% असेल तर शंका मनात येणारच नाही जिथे शंका आहे तिथे श्रद्धा अशक्त असते. मला एक वाचलेली गोष्ट आठवते. त्यानंतर माझा मुद्दा कळेल. एकदा एका दुष्काळग्रस्त गावात, एक साधू आले. त्यांनी सांगितलं की, उद्या देवळात आपण प्रार्थना करूया. त्या प्रार्थनेनंतर या गावात मुसळधार पाऊस पडेल. गावा तील सर्व लोक देवळात, रात्री, जमा झाले. त्या साधूने सुरवातीला एकच प्रश्न केला की, आपल्यापैकी कोणी कोणी छत्री आणली आहे?. कारण प्रार्थनेनंतर पडणाऱ्या मुसळधार पावसात छत्री नसेल तर, घरी कसं जाणार. यावर गर्दीतून फक्त एकच हात वर आला. त्या एकाच माणसाने छत्री आणली होती. त्यावर साधू म्हणाला की, या गावात एकच खरा श्रद्धाळू आहे. कारण त्याला पूर्ण विश्वास वाटतो आहे की, प्रार्थने नंतर पाऊस येणारच. पण तुम्ही बाकी सर्वजण, या विचारानेच आला आहात की, जाऊन तर बघू. अश्या शंकेखोर वृत्तीने, फक्त बघायला आला आहात, प्रार्थनेसाठी नाही. मला विश्वास आहे या गोष्टी नंतर, तुम्हाला एकतर शंका येतील किंवा श्रद्धा. कारण शंका आणि श्रद्धा एकत्र राहू शकत नाहीत. © संकल्पना व लेखन : प्रसन्न आ...