प्रेमपत्र हे

प्रेमपत्र हे

प्रेमपत्र हे वाचून सखये होऊ नको नाराज तू 

हृदयीचे हे प्रेम प्रियतमे स्वीकारसी ना तू 

डोळ्याचे ते बाण वर्णवे ना ऐसे छळती 

विरहाच्या अग्निमध्ये   स्वये मला जाळिती 

कधी अलौकिक हस्त बंधने घालिसी मजला तू 

प्रेमपत्र हे   ...... 

आकाशातील मेघानाही धरतीची साद 

प्रेमामध्ये तशीच माझ्या करसी बरसात 

तुझ्या जाणिवा ओलांडून मज स्वीकारावे  तू 

प्रेमपत्र हे ........ 

किती प्रेयसी वाहू तुजला काव्य सुमने मी

तुज प्रेमाची भरती येता आनंदिन सखी मी 

गालावरची  खळी सांगते  प्रेमा व्याकूळ तू 

प्रेमपत्र हे ........

कवी: प्रसन्न आठवले 

२१/०९/२०१७

१०:२२