निळ्या सावळ्या मेघातुन

 निळ्या सावळ्या मेघातुन

  त्या निळ्या सावळ्या मेघातुन
तो चंद्र पाहतो आहे सखये
तुझी ओढ़ मज जशी लागली
तशीच त्याही आहे सखये

पूर्णचंद्र सौंदर्य तुझे जे
मला बाहते आहे सखये
त्यालाही ते तसेच राणी
खुणावीत ग आहे सखये

तुझ्या बटांचा मोह मलाही
तुझ्या समीप आणी सखये
तुझ्या बटांच्या आड़ प्रियतमे
तोही लपतो आहे सखये

मीही मोहित तोहि मोहित
आसमंत ही मोहित सखये
उभा राहूनी न्याहाळी मी
तोहि तुलाच बघतो सखये

कवी : प्रसन्न आठवले
०३/०८/२०१७
१०:५३