स्वामी समर्थ १

अक्कलकोट निवासी श्रीस्वामी समर्थ यांना आर्ततेने दिलेली हाक :

कृपावंत स्वामी दयावंत स्वामी
भुकेला कृपेचा मी सन्निध घ्या हो

केली पापे शत शत
जण झाली आता
चुका घोर केल्या
जाग आली आता
चूक पोटी घ्या स्वामी पदरात घ्या हो
भुकेला कृपेचा मी सन्निध घ्या हो

दुःख दैन्य नीवेना
भूक कर्मी बांधते
अंत नका पाहू
धीर मन सोडते
वेळीच हात द्या मज उचलून घ्या हो
भुकेला कृपेचा मी सन्निध घ्या हो

आग पोटी पडली
वासना ही जडली
लक्ष लक्ष जन्म
संचिती अडली
उदास जीवा आता जवळी घ्या हो
भुकेला कृपेचा मी सन्निध घ्या हो

तुम्ही झिडकारले
कैसे नी कोठे जाऊ
अवस्था मनाची या
कोणास मी सांगू
आस तव कृपेची साक्षीभूत व्हा हो
भुकेला कृपेचा मी सन्निध घ्या हो

आता जगणे कठीण
निद्रा भय गंड किती
श्वास जाईल सोडून
दया करा द्या प्रचिती
तुम्ही लेकराची या हाक कानी घ्या हो
भुकेला कृपेचा मी सन्निध घ्या हो

© कवी : प्रसन्न आठवले
२१/११/२०१८
०८:१७