नाम अवतार कलियुगी - ५

नाम अवतार कलियुगी - ५

©® संकल्पना, शीर्षक आणि लेखन : प्रसन्न आठवले

मन आणि बुद्धी हे,  या अतर्क्य वाटणाऱ्या गोष्टी,  काय काय साध्य करू शकतात ते बघण्या आधी यांच कार्य आणि शक्ती स्थान पाहुया.  

-  सर्वसामन्यपणे बुद्धीची आकलन शक्ती, झेप , स्मरण शक्ती, तार्किकता  या सर्व गोष्टी प्रचंड प्रमाणात असतात. 

-  अस पाहणीत आढळलय की सर्वसामान्यपणे बहुतांश लोक आपल्या उजव्या मेंदूच्या क्षमतेच्या काही टक्के अथवा नगण्य  वापर देखील करत नाहीत, पूर्ण आयुष्य भर सुद्धा. अस म्हटल जातं की, आइन्स्टाइन सारख्या अणुवैज्ञानिकाने सुद्धा पूर्ण आयुष्यात जास्तीत जास्त ३% उजव्या मेंदुचा वापर केला होता. म्हणजे सामान्य माणसाची बातच सोडा. 

- अजुन एक मुद्दा जो आता कुठे उजवा मेंदू यावर विश्वास आणि संशोधन सुरु झालय. आइन्स्टाइनने उजव्या मेंदुचा वापर 3% टक्के पर्यन्त केला होता व अगम्य वाटणाऱ्या गोष्टी व अनुसंशोधन घडवून आणल. इथे एक उदाहरण आठवलं स्वामी विवेकानंद यांच्या स्मरणशक्तिबद्दल. 

एकदा स्वामीजी अमेरिकेत एका पूलाच्या कठड्यावर बसुन पुस्तक वाचत होते. आणि एक पान वाचून  झालं की ते पान फाडून सामोर पेटवलेल्या शेकोटीत टाकत होते. जवळच बसलेल्या एका आंग्ल स्त्रीने विचारलं की तुम्ही असं का करताय. स्वामीजी उत्तरले कि वाचून झाल्यावर मला या पानाचा काही उपयोग नाही. माझ्या स्मरणात हे राहिलं. त्या स्त्रीचा विश्वास बसेना , म्हणून स्वामीनी ३,४ पान वाचून पुस्तक त्या स्त्रीकडे दिलं आणि सांगितलं कोणताही परिच्छेद, कुठेही कुठूनही विचारा किंवा फक्त पान क्रमांक  सांगा. खरच त्या स्त्रीने त्यांची परीक्षा घेतली आणि थक्क होऊन पाया पडली. तेंव्हा स्वामीजी त्यावर म्हणाले की यात विशेष अस काहीच नाही, प्रत्येकाच्या मेंदुमधे ती ताकद असतेच असते. मी त्याचा योग्य वापर करण्याचं शास्त्र आत्मसात केलय, तुम्ही ते जाणत नाही. पण जाणल्यास तुम्हीही ते करू शकाल. 

या तंत्राचं नाव आहे एकाग्रता. आणि याचं सर्व तंत्र स्वामीजीनी आपल्या राजयोग या पुस्तकात विस्ताराने विषद केलेल आहे. 

आता ही एकाग्रता काय आणि त्याची तंत्रं कशी आहेत, हे पुढील भागात बघुया. 

श्री गुरुवे नमः 

ही लेखमाला कॉपी राईट नोंदणीकृत आहे, त्यामुळे हीचा प्रसार लेखकाच्या नावासकट करावा. 

© संकल्पना आणि लेखन : प्रसन्न आठवले 

०५/१०/२०१७