आषाढात तो रोरावत आला
काळया मेघांचा थवा आला
सूर्य नारायण लुप्त झाले
गर्द अंधार दिवसाही दाटला
टपोऱ्या थेंबांनी ओलावलं
अंग भिजून शहारलं धरेला
आकाशाच्या प्रेमवर्षावाने
अवघा निसर्ग रोमांचित झाला
थेंबाथेंबातून वर्षा ऋतुचा
बहर जणू ओतप्रोत भरला
पाना पानावर ओलाव्याचा
हिरवा रंग चौफेर पसरला
निसर्गाच्या सुंदर खेळाचा
आषाढात प्रारंभ झाला
आषाढात प्रारंभ झाला
©® कवी : प्रसन्न आठवले
३०/०४/२०२३
Comments
Post a Comment