त्या पार लागल्या नौका

त्या पार लागल्या नौका नयनांच्या लाटेवरती
अडकले शब्द भिजलेले अधरांच्या तीरावरती

तू दिली मला जी वचने अजून मी ठेवली हृदयी
त्या सागर लाटेसम ती परतुनी तुझ्याप्रत जाती 
अंधुक आस ती आहे  मनी अबोल काहूर येई
अडकले शब्द भिजलेले  अधरांच्या तीरावरती

ती जाणीव तुटते तुटते तुटून ती उतरली नयनी
तू गेला सोडून प्रीती भंगले हृदय  शर बनुनी 
तरी वेडी आशा आहे अजूनही तुझ्या येण्याची 
अडकले शब्द भिजलेले  अधरांच्या तीरावरती

© कवी : प्रसन्न आठवले 
२१/११/२०१८
१८:५३