मार्गदर्शक, मित्र, साथीदार - मन

आपल्या मनाचा आपल्याशी संवाद असावा
आपण कुठे चुकतोय ह्याचा अंदाज असावा

मन आपलाच एक छानसा मित्र असावा
जगण्यात मनाचा तितकाच सहभाग असावा

म्हटलं तर दोस्त म्हटलं तर बाप असावा
त्याचा आपल्यावर प्रेमाचा धाक असावा

दुःखात त्याचा तितकाच आधार असावा
सुखात त्याच्यामुळे पाय जमिनीवर असावा

ग्रीष्मात तो सावली, अंधारात दिवा असावा
शिशिराचा जोर असता तोच  साथ असावा

सल्ले देऊन कंटाळा आणणारा नसावा
पण एकांतात भक्कम पाठी हात असावा

चुकल्यास सूचना न देता सल्लागार असावा
जे योग्य करू तिथे कौतुकाची थाप असावा

असाच आपल्याला मनाचा आधार असावा
मात्र दोघांनाही एकमेकांचा भार नसावा

© कवी : प्रसन्न आठवले
२६/०६/२०१८
०८:४०