भोग आणि ईश्वर १३० आपल्या कर्माच्या वाचेच्या व मनातील तरंग व लहरी यावर आपण मागे चर्चा केली. आज पुन्हा त्यांचा मागोवा घेऊया. या तरंगांचा प्रसार आसमंतात व विश्वात आणि समस्त ब्रह्मांडात होत असतो. त्यांच्या तीव्रतेनुसार त्या कार्यरत असतात आणि त्याचप्रकारच्या ब्रह्मांडातील लहरींशी त्यांचा संयोग अर्थात आकर्षण व विरुद्ध लहरींशी प्रतिकर्षण होतं. त्याच्या परिणामस्वरूप ज्या लहरी निर्माण होतात, त्या पुन्हा परावर्तित होऊन, मूळ स्थानी परत येतात. हेच आपल्या कर्माचं फलस्वरुप आपल्याला प्राप्त होणारं भाग्य वा भोग असतं. मागे सांगितल्याप्रमाणे त्यांच्या तीव्रतेवर, त्यांचं आकर्षण व प्रतिकर्षण अवलंबून असतं. नकारात्मक लहरींची तीव्रता ही प्रचंड असते आणि त्या तितक्याच ताकदीने समान लहरींना आकर्षित करतात आणि विरुद्ध शक्तींच्या लहरींना प्रतिकर्षित करतात अर्थात भेदतात. म्हणूनच नकारात्मक विचार आले की तीव्र वेगात संपूर्ण मनाचा आणि वातावरणाचा ताबा घेतात. कारण त्यांची शक्ती अफाट असते. आता आसमंतातून घरात येऊ. जर नकारात्मक लहरी ब्रह्मांडातील लहरींना इतक्या तीव्रतेने आकर्षित करत ...