जीवन मुक्त छंद

जीवन मुक्त छंद

हळूवार फुंकर घातली कि खपली काढली ते माहित नाही  

पण प्रयत्न फुंकर घालण्याचाच होता ।।

अनाहूत  खपली निघाली असेल या जाणीवेने काहूर माजलय 

तप्त वाळूचे चटके सहन केलेल्या तुझ्या सारख्याचे मन 

शीतल वर्षावात उभा असलेल्या मला कस समजणार ।।

पण नकळत चूक घडली असल्यास तू नक्की पोटात घेशील हे माहित आहे 

कारण अनुभवांनी तुझ्या जाणीवा प्रगल्भ आणि मन विशाल बनलय 

आणि माझ्या नजरेत तू आभाळासमान आहेस ।।

माझ्या अंतरात्म्याचा आवाज तुझ्या अंतरात्म्यात पोचवण्याचे साधन म्हणजे हे शरीर 

या व्यतिरिक्त ते शरीर आपला वेगळा आवाज पोचवेल हे संभवणार नाही ।।

सोज्वळतेच्या  मुखवट्या आडून वेगळा विचार करण  हि समाजाची रीतच 

पण माझा प्रवास वेगळा असेल आणि त्यात घातपात संभवणार नाही ।।

जीवन जगणे म्हणजे लहान ओढ्याचा प्रवास वादळ, उन्ह, पाऊस काही आल तरी,

शांतपणे वाहात राहाणे हा एकच धर्म तो ओढा जाणतो आणि तेवढेच अपेक्षित असत ।।

मनाचही तसच आहे सर्व साक्षित्वाने पाहात जीवन  प्रवास  संथ पणे सुरु ठेवणे 

मागे जाणाऱ्या  प्रत्येक प्रसंगाचा हात सोडून पुढे चालणे, फक्त तेवढेच अपेक्षित असत ।।

जगण्यासाठी शरीर कि शरीरासाठी जगण ह्यातील काय योग्य ते आता पक्क 

वासनांसाठी कुंथण कि त्यांना मारून ताठ पणे उभ राहाण हे आता पक्क ।।

अष्टदिशाना  फिरणं कि सर्व दिशा आत्म्याभोवती स्थिर करणं हे आता पक्क 

क्षणिक जगणं कि प्रत्येक क्षण जगून तृप्त करण हे आता पक्क ।।

प्रसन्न आठवले