नाम श्लोक

नाम श्लोक

जया वाचूनी नाम हो ना सुखाचे
जयाचेनि नामे सदा काळ कापे
जया जाणता आयुष्य होई साचे
सदा नाम घ्या रे तया राघवाचे ll १ ll

सदा वाहतो काळजी जो जगाची
सदा संकटी येई धावून पाठी
सदा तोची तो सावरे तुज सवेचि
सदा ओठी राहो तुझ्या नाम तेची ll २ ll

तुझा श्वास चाले जया कारणे रे
तुझेची शरीरी रुधिर चालते रे
तुझी पापणी जयानेच हाले
तया तू सदा हृदयीं साठवीं रे ll ३ ll

तुला रक्षिण्या खर्चले श्वास ज्याने
तुझे कर्मसाक्षी फळे रे जयाने
तुझे जन्म सारे असावे जयाने
तया राघवाला हॄदयी स्थान द्यावे ll ४ ll

जया आठवीता माया न उरते
जयाचेनि नामे सर्व साकार होते
जयावाचूनी जगणे व्यर्थ उरते
तया राघवाला तू स्मरशी सदा रे ll ५ ll

श्रीराम श्रीराम श्रीराम

© प्रसन्न आठवले
१०/०३/२०१८
०७:३५