जानकी पुनःवनवास ४३

ll ॐ गंगणपतये ll

जानकी पुनःवनवास ४३

स्नानानन्तर भ्राता भरत ज्येष्ठ भ्राता प्रभु श्रीराम याना पुढील तयारीसाठी महालात घेऊन आला. पुढील तयारी म्हणजे प्रभुना वस्त्र व अलंकार यानी सुशोभित करून मनःशांतिच्या  सर्वोच्च आनंदाची अनुभूति घेणे. प्रभुना स्वहस्ते पुन्हा चौदा वर्षानपुर्वीच्या मनोहारी, विलोभनीय आणि अतुलनीय रुपात पाहण्याचा आनंद घेणे. या आनंदाच्या अनुभवाच्या जोरावर चौदा वर्षान्चा त्रास , अगतिकता, तणाव, तुच्छ समजुन तृणवत त्याग करणे. ज्येष्ठ भ्राता प्रभु श्रीराम आपल्या भरताच्या चेहर्यावरिल हा अलौकिक आनंद टिपण्यात प्रभु निमग्न होते.

तिन्ही बंधुनी प्रभुना भरजरी पीतांबर आणून नेसवून दिला. तत्पश्चात सुवर्णाचे विविध अलंकार , साज, बाजूबंद, मनगट्या,कम्बरपट्टा, सोन्या मोत्यांच्या माळा, कानी कुंडले, भव्य भालप्रदेशावर केशरी गंध, मत्स्याकारी सुलोचनांमधे नेत्रांजन , रेशमी उपवस्त्र , उजव्या हातात सोनेरी कड आणि मस्तकी सुवर्ण मुकूट यानी प्रभुंच्या तनुची शोभा सहस्त्रपटीनि गुणोत्तरीत होत होती. . या सर्वांवर सुगंधी अत्तर आणि द्रव्यांचा शिडकावा, पायात सोनेरी मोजड्या, असा साज शृंगार ल्यायल्या नन्तर प्रभुंच रूप दिव्य आणि तेजस्वी झळाळी घेऊन मूळ रूपाहून कित्येक  पटिनी खुलून दिसत होत.

त्या दिव्य स्वरूपाची शोभा आज चौदा वर्षानंतर पुन्हा न्हाऊन आली होती. ज्याच्या वर्णनासाठी स्वतः देवी शारदा आणि बुद्धिदाता गजानन शब्दान्ची निर्मिति करण्यात व्यग्र होते. ज्या रूपासाठी तिन्ही भावानी मुद्दाम मेहनत घेतली होती. त्यांच्या योगाने आज हे रूप समस्त ब्रम्हांडात वर्णनापलीकडे भासत होत. या समस्त साजासह आणि साजाशिवाय उभ्या असलेल्या नारायणावताराच वर्णन वेदानाही अशक्य आहे.  देवी शारदेसह व महागणेशासह  समस्त विश्वाच्या बुद्धिच तेज एकत्र केल तरी ज्याचं रूप,गूण यांना शब्दबद्ध करण शक्य नाही. त्यांच्यां वर्णनार्थ माझीही लेखणी अपूर्ण आहे हे जाणूनच त्यासमयी दिसलेल प्रभुंच्या रूपाच वर्णन येणेप्रमाणे

"अष्टदिशा सुशोभित करणारा सुवर्ण मुकुट मस्तकी, खांद्यावर आलेला केशशम्भार, भव्य भालप्रदेश , त्यावर केशरी गंध, मत्स्याकार सुलोचन, सरळ नासिका, गोलाकार मुखचंद्रमा, प्रथमच भरुन आलेल्या मेघासमान वर्ण, रुन्द स्कंध, अनंताची शक्ति असणारे वज्रासमान दंड व भुजा, गूढग्यापर्यन्त पोचणारे बाहु, भव्य छाती, मुखावरील तेज सहस्त्रसूर्याच्या तेजाहून शतपट, समस्त विश्वाची शक्ति व्याप्त करूनही दशांगुळे उरलेली प्रभा, पाठीशी भव्य धनुष्य आणि दिव्य अस्त्रानी युक्त भाता, कमरेला खड्ग, भरजरी वस्त्रे आणि अलंकार यानी अजूनच खुलून दिसणाऱ्या त्या अनुपम आणि अगम्य अश्या तेजोवलयाच नाव आहे."

दशरथनंदन, कौसल्यातमज, रघुकुलदीपक, ज्येष्ठ भ्राता, नरश्रेष्ठ, मर्यादा पुरुषोत्तम, जानकीभूषण हनुमंतस्वामी प्रभु श्रीरामचन्द्र 

ll श्रीराम श्रीराम श्रीराम ll

क्रमशः

© लेखन : प्रसन्न आठवले

जय श्रीराम