माझी बासरी
माझी बासरी निर्गुणी
सांगे भाव मन जैसा
ज्याला जैसे भासे जग
प्रकट बासरित तैसा
तूझ्या मनी प्रेम भाव
तूला माझे प्रेम ठाव
म्हणून तू बघतेस
जग सारे माझे ठाव
तूला माझे प्रेम ठाव
म्हणून तू बघतेस
जग सारे माझे ठाव
माझी बासरी ........
तू ग राधा प्रेमवेडि
वाटे तूज माझे हित
म्हणूनी तू बाहि मज
सदा तूझे स्वरुपात
वाटे तूज माझे हित
म्हणूनी तू बाहि मज
सदा तूझे स्वरुपात
माझी बासरी .......
कान्हा मी रे वृंदावनी
पाहि तूज या नयनी
तेंव्हा सारे रे गोकुळ
पाहे तूज निजधामी
पाहि तूज या नयनी
तेंव्हा सारे रे गोकुळ
पाहे तूज निजधामी
माझी बासरी ........
माझे रूप हे निर्गुण
पाहावे ते तैसे होय
जिथे भाव आपपर
तिथे दिसणे न होय
पाहावे ते तैसे होय
जिथे भाव आपपर
तिथे दिसणे न होय
माझी बासरी ....
नाही ना रे भास् हाच
वाटे मना हां संदेह
तूझी रुपे रे अनेक
फेड शंका निःसंदेह
वाटे मना हां संदेह
तूझी रुपे रे अनेक
फेड शंका निःसंदेह
माझी बासरी .......
राधे माझ्या स्वरुपात
स्वर आणि रूप असे
गूण निर्गुण हे दोन्ही
ज्याने पहावे ते तसे
स्वर आणि रूप असे
गूण निर्गुण हे दोन्ही
ज्याने पहावे ते तसे
माझी बासरी ......
कान्हा तू रे प्रेम रूप
भावे तूझे हे स्वरुप
राधे मी आहे हृदयी
भाव पाहि माझे रूप
भावे तूझे हे स्वरुप
राधे मी आहे हृदयी
भाव पाहि माझे रूप
माझी बासरी ....
कान्हा पटली रे खुण
तूचि गुण अन निर्गुण
जिथे जिथे तुझा भाव
तिथे होसी तू सगुण
तूचि गुण अन निर्गुण
जिथे जिथे तुझा भाव
तिथे होसी तू सगुण
माझी बासरी ....
तुझी बासरी निर्गुण
तुझे स्वरुप नीराकार
भजतो जो जैश्या भावे
दिसे तैसे हेचि सार
तुझे स्वरुप नीराकार
भजतो जो जैश्या भावे
दिसे तैसे हेचि सार
माझी बासरी .......
कवी: प्रसन्न आठवले
Comments
Post a Comment