जानकी पुनःवनवास १५

ll ॐ गंगणपतये ll

जानकी पुनःवनवास १५

त्या अमृतमय समयी जेंव्हा पुष्पक जमिनिकडे झेपावल तेंव्हा काळपुरुषाच्या  मुख़ातून अनायासे शब्द आले

घटिका पळे ती आली अवनी ही तृप्त झाली
ती वेळ अमृताची जुळूनी सामोर आली

वदली धरा ती गगना
मी आज धन्य झाले
पुष्पापरी ती वाहनी
पुष्पकातुनी मिळाले
त्या मूर्त विष्णु लक्ष्मी पाहून धन्य जहाली
ती वेळ अमृताची ........

वेली , नी फूल हर एक
शहारून तृप्त झाले
भाग्यात हे तयांच्या
सायुज्य भाग्य आले
हा योग अमृताचा जुळण्यास ग्रह निघती
ती वेळ अमृताची ........

मोहास मोह झाला
लोभास होय लोभहि
माया स्वये ही अवघी
मोहून दृश्य पाही
पाहून मुक्ति जणू ती काळास प्राप्त झाली
ती वेळ अमृताची .......

पवनावही सूखे तो
मरुतास जन्मही तो
जगणे कशास म्हणती
अर्थास प्राप्त ही तो
अर्थासहित मग ही  कवने जुळून आली
ती वेळ अमृताची .........

भोगुन भोग सारे
अधमीही मुक्त होती
पाहुनिया ही जोड़ी
जनही सुखात्म होती
अवघी ही आज नगरी मग धन्य धन्य झाली
ती वेळ अमृताची .......

भाग्यात माझिया ही
प्रसन्न जणु की  ईश्वर
चिंतामणी स्वयेही
आठवले म्हणुनी अक्षर
कवनास आज माझ्या माँ शारदाहि आली
ती वेळ अमृताची .........

१६व्या भागाच्या भाग्यात अमृतमिलानाचा योग. आयोध्येला प्राप्त झालेला हा अमृतपंचम योग आपणही अनुभवुया पुढील भागात .

ll श्रीराम श्रीराम श्रीराम ll

क्रमशः

© लेखन : प्रसन्न आठवले

जय श्रीराम