सद्गुरू बोधामृत

गुरू हा बोध गुरू हाच शोध
गुरूमहिमा त्रिलोकी अगाध
गुरू हा साक्षेप गुरू हा थोर
गुरूहस्त मस्तकी कृपा अपार

गुरू घ्यावा न लागे करुनी
गुरू स्वयं ये साधका शोधुनी
गुरू देत जाई अष्टहस्ते ज्ञान
घेण्यास तुची  कमी हे जाण

गुरू हाची सर्व शोधाचा अंत
गुरू मिळणे जणू भेटी अनंत
दयावंत गुरू जाणा दुजी माऊली
एक देई जन्मा गुरू नेई परलोकी

गुरू हाच ब्रम्ह गुरू हाची हरी
गुरू हर हर गुरू त्रिदेव जगती
गुरू महिमा सांगावा काय ऐसी
नसे आमुची पायरी शिष्या जैसी

© कवी : प्रसन्न आठवले
२९/११/२०१८