जेंव्हा आनंदाला पंख फुटतात
जेंव्हा आनंदाला पंख फुटतात
स्वतःबरोबर जगसुद्धा हसतं
एकट्याने हसण्यात काय अर्थ
इतरांच्या हास्यात आपलं फुलतं
उगाच दुःखी जगण्यात अर्थ काय
वेळ निराश घालवण्यात व्यर्थ जाय
निळ्या ढगांवर काळ्या मेघांची शाई
हास्याची सुई निराशा वाहून जाई
धुंदीत अर्थ न शोधता गाभा हुडकायचा
जगण्यात दुःख न बघता हसत राहायचं
निराशा काळ्या ढगातून पाण्यासारखी
पृथ्वीवर वाहून टाकायची मजेत जगायचं
इतकंच करायचं स्वतःच्या मनाचं
नुसतंच झुरत बसण्यापेक्षा हसायचं
मनाच्या साऱ्या दिशा मोकळ्या करून
आतली निराश झटकून मस्त जगायचं
© कवी : प्रसन्न आठवले
२८/११/२०१८
Comments
Post a Comment