माझी बासरी प्रस्तावनेसह

राधाकृष्ण संवाद माध्यमातून सगुण, निर्गुण , साकार, निराकार या भावांचा भगवंतानी केलेला आणि मला उमगलेला उहापोह. मुळात भक्त भगवंत ह्या संकल्पना मानल्या तर भिन्न आहेत आणि सदस्वरूप पाहिलं तर एकच आहेत. म्हणूनच राधा आणि कृष्ण ही भक्त , भगवंत अशी बाह्य रुपात भिन्न दिसणारी जोडी, प्रत्यक्षात एकाच स्वरूपाची दोन प्रतिरूप आहेत. माया दुर झाली की ते एकरूप दिसतील. हेच भगवान श्रीकृष्ण राधेच्या माध्यमातून आपल्याला सांगत असावेत.

ही माझीच जुनी कविता आहे. खास दिवाळीनिमित्त वाचकांसाठी. ओवीबद्ध रचना आहे ही. अरे संसार संसारच्या पारंपारिक चालीत वाचा आनंद द्विगुणीत होईल. :

माझी बासरी

माझी बासरी निर्गुण
सांगे भाव मन जैसा
ज्याला जैसे भासे जग
बासरित येई तैसा

तूझ्या मनी प्रेम भाव
तूला माझे प्रेम ठाव
म्हणून तू बघतेस
जग  सारे माझे ठाव
माझी बासरी ........

तू ग राधा प्रेमवेडि
वाटे तूज माझे हित
म्हणूनी तू बाहि मज
सदा तूझे स्वरुपात
माझी बासरी .......

कान्हा मी रे वृंदावनी
पाहि तूज या नयनी
तेंव्हा सारे रे गोकुळ
पाहे तूज निजधामी
माझी बासरी ........

माझे रूप हे निर्गुण
पाहावे ते तैसे होय
जिथे भाव आपपर
तिथे दिसणे न होय
माझी बासरी ....

नाही ना रे भास् हाच
वाटे मना हां संदेह
तूझी रुपे रे अनेक
फेड शंका निःसंदेह
माझी बासरी .......

राधे माझ्या स्वरुपात
स्वर आणि रूप असे
सगूण निर्गुण दोन्ही
ज्याने पहावे ते तसे
माझी बासरी ......

कान्हा तू रे प्रेम रूप
भावे तूझे हे स्वरुप
राधे मी आहे हृदयी
भाव पाहि माझे रूप
माझी बासरी ....

कान्हा पटली रे खुण
तूचि गुण अन निर्गुण
जिथे जिथे तुझा भाव
तिथे होसी तू सगुण
माझी बासरी ....

तुझी बासरी निर्गुण
तुझे स्वरुप नीराकार
भजतो जो जैश्या भावे
दिसे तैसे हेचि सार
माझी बासरी .......

©  कवी: प्रसन्न आठवले
२८/०८/२०१६