नवरात्रात माळ दुसरी
द्वितीय माळरूपी
नमितो महालक्ष्मी
कोल्हासुर मारोनी
रक्षिले कोल्हापूर
आई त्रिकालज्ञानी
योगीयांची योगिनी
जगद्व्यापी जननी
अंबेरूप धारियेले
महिमा तव थोर
चाले अपरंपार
जगी सर्व चराचर
उरलीसे व्यापून
भक्तवत्सल वरदायि
ब्रीदा जागसी आई
लक्ष तुझे ठाई ठाई
भक्तालागी पाव
शुचिर्भूत होऊन
भावे तुजला नमुन
व्रतालागे समजून
करावे पुण्यार्थ
आई तू जाणतेस
दुःख कलियुगास
भोगणे प्रत्येकास
तरी सुलभ करिजे
माता प्रसन्न होई
हो चिंतामणी नेई
शब्द आठवले येई
कवनालागीं पूर्णत्व
ll इति श्रीमहालक्ष्मी प्रित्यर्थ द्वितीय माल: समर्पिता ll
© कवी : प्रसन्न आठवले
११/१०/२०१८
Comments
Post a Comment