करोनावर विनोदी काव्यअस्त्र !!
करोना गेलाय डोक्यात
कामाची लिस्ट हातात
करोनाच्या हल्ल्याने
पुरुष झालेत हताश
करोना गेलाय डोक्यात
........
ऑफिसला जाणे बंद
नोकरदार हो घरात
बाहेर गेलो तर पोलीस
जेलर बसला घरात
करोना गेलाय डोक्यात
........
कधी होईल कधी संपेल
शाश्वती नाही मनात
क्षण क्षण जात नाही
मोजीत बसलो घरात
करोना गेलाय डोक्यात
........
कोणी सांगे हे करा
घालवा वेळ शिकण्यात
स्वैपाक वाचन अवांतर
करा सुरू जोशात
करोना गेलाय डोक्यात
........
दिवसा झोपा रात्री जागा
स्थिती झालीय उलट
शेड्युल बिघडेल सारे
करोनाच्या या लफडयात
करोना गेलाय डोक्यात
........
लोकडाऊन झालो
सारेच आपल्या घरात
कोणीच नाही दिवसदिवस
या डोळ्यांना दिसत
करोना गेलाय डोक्यात
........
संपो हे लवकर नष्टचर्य
मोकळी हवा श्वासात
वाट पहातो सारेजण
मजा नॉर्मल जगण्यात
करोना गेलाय डोक्यात
........
©® कवी : प्रसन्न आठवले
२९/०३/२०२०
२१:२२
Comments
Post a Comment