श्रावण
हिरवाळीच्या गालीच्यातून
तृणपुष्पांची शाल पांघरुन
जलबिंदूची चादर ओढून
श्रावण आला बरसत बरसत ।।
आकाशाच्या चारी दिशानी
निसर्ग आपूल्या अष्ट भुजानी
सोडून दिधल्या अनंत धारा
श्रावण आला बरसत बरसत ।।
नभो मंडळी दाटी झाली
मेघांची ती गर्दी जमली
वसुंधरा ही तृप्त जाहली
श्रावण आला बरसत बरसत ।।
ऋतुपर्व हे सुरु जाहले
लगबग लगबग सारे करती
दशोदिशाना हर्ष भरुनी
श्रावण आला बरसत बरसत ।।
आता सारे फुलले मोदे
रंगांचीही झाली उधळण
निसर्गातही अवघी धुंदी
श्रावण आला बरसत बरसत ।।
कवी : प्रसन्न आठवले
Comments
Post a Comment