पहिला पाऊस

पहिला पाऊस 

ग्रीष्म तापला लाही झाली
वर्षावचि आस लागली
लगबग करुनि या मेघानो
वसुंधराही आतुर झाली ।।१।।
रविकिरणानो जा रे आता
तुमची सद्दी  संपुदे रे
वर्षावाने  भिजवून टाका
संपाताची वेळ जाहली।।२।।
झाडे वेली पाने सारि
तगमग तगमग करत राहिली 
त्याना  आता तृप्तीदेण्या
मेघांची ही दाटी  जाहली।।३।।
सोडा आता तिमीर संपला
उषा पुनः ही होऊंनी जागी
जणू भूमिवर नवरस देऊन
तृप्त लोचने करती झाली।।४।।
आलिंगन हे मेघानो द्या 
वसुंधरेला पुन्हा एकदा 
मृद्गंधाची होवो उधळण 
नभी मेघांची दाटी झाली ।।५।।
कड कड कड कड वर आकाशी 
बिजली आली लख लख करुनी 
तड तड तड तड ताशा जणू की 
नभो मंडळी बडवत आली ।।६।।
नक्षत्रांचा राजा बघ तो 
आला आला आला आला मृग तो 
आगमनाने त्याच्या आता 
 नैरुत्या आरक्तीत झाली ।।७।।
आता तांडव सुरु होऊ दे 
दाही दिशा या दुमवून टाका 
चातक पाहे वाट जयाची 
वर्षा राणी सर सर आली ।।
वर्षा राणी सर सर आली ।।
वर्षा राणी सर सर आली ।।८।।

कवी : मेदिनी