गुरुपौर्णिमा २०२०, जुलै ०५

ऋणमुक्त व्हावे ऐसी नाही हि पौर्णिमा 

गुरूऋण आठवावे नित्य मनी आपुल्या 

असावा सतत ध्यास मनी हाच मनुजा 

गुरुऋणी राहावे हेच माग गुरूला आपुल्या 

तुमचा  नित्य हात राहावा पाठीशी सद्गुरू    

निदान एवढीच भिक्षा घाला मज या दिवशी 

दिसावा मज मार्ग जेंव्हा  दिसेनासे होईल 

इतुकाच पुरवावा हट्ट मागतो आजच्या दिवशी 

धनधान्य समृद्धी मिळेल प्रारब्धयोगे मज 

आडल्या क्षणी मज आठवण तुमची यावी 

भोग भगतांना नामाची आठवण होऊदे मज 

साधले नाही नाम मज तर सेवा करवून घ्यावी 

इतुके मागणे माझे पायाशी तुमच्या गुरुराया 

पौर्णिमा तुमच्या  मायेची नित्य राहो गुरुराया 

कृपादुर्ष्टीचे अमृत करावावे प्राशन गुरुराया 

नमितो तुमच्या चरणाशी प्रसन्न व्हा गुरुराया 

गुरुचरणी समर्पित : 

©® कवी : प्रसन्न आठवले

०५/०७/२०२०