क्षण क्षणांचे सोबती
क्षण क्षणांचे सोबती
क्षण उरले क्षणांसाठी
क्षण गुंफून साखळी
काळाची चाले गती
क्षण मिटलेली कळी
उमलताच होती फुले
कधी सुवासही देती
कधी क्षण कोमेजती
कधी धुंद मोहरती
कधी मोदे हसती
कधी बेभान होती
लाटेसम फेसाळती
कधी कवेत घेती
क्षण नाती जोडती
कधी स्मित होती
मनाला साद देती
कधी नकोसे होती
अश्रुत भिजवती
ओल्या क्षणांची
नक्षी मग ओलेती
क्षण येती अन सरती
घाव देऊनी जाती
काळजात क्षण उरती
आठव ठेवून जाती
क्षण वेडे धुंद करती
क्षणही न ते थांबती
इतुके होऊन जगती
क्षण क्षणात ओसरती
क्षण क्षणात ओसरती
©® कवी : प्रसन्न आठवले
११/०७/२०२०
०८:१२
Comments
Post a Comment