क्षणात सारे घडते हास्यही फुलते
तरु लतांवर फुल उमलते
नवल विहरते क्षणात सारे घडते
बहर प्रीतीचा क्षणात येतो
कळी गालावर ठेवून जतो
प्रीत मनी या फुलते
क्षणात सारे घडते
नभी उषा ती कुंकूम घेऊन
क्षणात सारे ये आनंदून
तृणपुष्पांचे सोने होते
क्षणात सारे घडते
भ्रमर प्रीतीचा गंधा धरुनी
परागसिंचन प्रेमे करुनी
फुल उगा ना बावरते
क्षणात सारे घडते
प्रीतीला ती मनात जागा
लटका राग लटका त्रागा
तरी खूण मनी पटते
क्षणात सारे घडते
सूर्य इमानी काळा धरुनी
जाईल अस्ता संध्या गगनी
सारे नियमित होते
क्षणात सारे घडते
© कवी : प्रसन्न आठवले
०८/०९/२०१८
१७:३५
Comments
Post a Comment