गोविंद गोविंद घ्यावे नाम

गोविंद गोविंद घ्यावे नाम
अवघ्या कर्माना येई घाम
गोविंद गोविंद घ्यावे नाम

विषवल्ली विषयांची
कर्मगती प्रारब्धाची
मोडुनिया पडते घेता नाम
गोविंद गोविंद घ्यावे नाम

विश्वनिर्मिती विश्वनियंता
करुनी शांत मानवजन्मा
लक्ष योनीचे एकच धाम
गोविंद गोविंद घ्यावे नाम

जन्म पुढला नको चर्चा
हाती तुमच्या घेऊन दिक्षा
साध्य करावे गुरुअर्चन
गोविंद गोविंद घ्यावे नाम

त्रैलोक्याचा स्वामी कोण
कशास व्हावे याचे ज्ञान
मंत्र चिमुकला मनात ठाम
गोविंद गोविंद घ्यावे नाम

भव्य महाली सुख नसते
चंद्रमौळीही ते मिळते
याचे असुदे क्षणक्षण भान
गोविंद गोविंद घ्यावे नाम

विश्वासाचा प्रश्न कसला
संत महंतांनी वर्णिला
तावून हाती दिधले नाम
गोविंद गोविंद घ्यावे नाम

एकवार घ्या ध्येया ठरवा
येता जाता ध्यास जडवा
एकच जन्मी साधा राम
गोविंद गोविंद घ्यावे नाम

prasanna athavale