कर्म गती

कर्म गती 

जे वाढून दिधले तू कर्मा ते भोग येती  तुज वाट्याला 

तरी अधमा तू नच समजून घेसी फिरुनी ऐसी जन्माला 

तू ऐसी जासी हा फेरा शतजन्माचा आहे लिहिला 

पण कर्म गतीने तू त्यासी वर्धमान अससी केला 

किती जन्म भोगसी ठरले पापे  मिळवूनी प्रारब्धी 

तरी विनाश काले विपरीत व्हावी ऐसी का रे तुज बुद्धी 

 जाणारा जातो सोडून तुज त्याचेहि कर्म तयापाशी 

तरी दुःखाचे हे डोंगर भासती कर्म तयाचे त्या पाशी 

म्हणुनी संतांनी वदले रे तू कर्म तुझे पावन करसी 

मग मोक्ष तुझा तूच स्वतः तव हाताने लिहून येसी 

हा मन्त्र ठेव जपूनी नेहमी जे करशील ते तू भोगासी रे 

मग का कुकर्माच्या राशी रे उभ्या स्वतः तू करासी रे 

करणे तुज आहे अन भरणे हे सूत्र ठेवसी लिहूनी  रे 

मग डरणे का मरणाला जन्मो जन्मी ये स्मरणी रे 

कवी : प्रसन्न आठवले