मित्र

मित्र 

खोल अर्थ असलेल्या अश्या शब्दाची पोकळ व्याख्या करणं इतक्या वर्षात  जमल नाही आणि म्हणून काही लिहिल नाही. पण आज त्याचा खोलवर दडलेला अर्थ उमगल्यावर लिहिण्यावाचून थांबू शकलो नाही आणि म्हणून हा खटाटोप. 

मित्र हा खरच कसा असू शकतो त्याची व्याख्या अनेकांनी त्यांच्या परीने केलेली आहे. पण माझ्या दृष्टीने तो निरागस , निरलस, हृदयाच्या सर्वात आत असल्यामुळे, आतला आवाज ऐकू शकणारा, तुम्हाला समजून वागणारा, प्रसंगी तुम्हाला दटावणारा   असा असावा. काळाच्या कसोटीवर टिकणारी मैत्री कशी असू शकते हे आज पर्यंत कधी समजलच नाही पण समजायला लागल्यापासून आज प्रथम त्याचा अर्थ उमगला, कि अशी मैत्री एका विशिष्ट शब्दात बसवता येणार नाही.

पण आज त्याचा अर्थ हृदयाला भिडलाय आणि बुद्धीलाही पटलाय. कारण असा एक मित्र मला मिळालाय. ज्याच हृद्यय  सश्यासारख मऊ , काळीज कापसासारखा मुलायम, मन स्फटिकासारख अंतर्बाह्य स्वच्छ आणि चुकांची कबुली देऊनही विसरण्याइतक मोठ , बुद्धी अजूनही न कोमेजलेली , जाणीवा प्रगल्भ, विचारांची खोली प्रचंड , स्वतः दुखः भोगूनही मन मान्सरोवरा सारख शांत. 

अश्या ह्या माझ्या मित्राशी मला चिरकाल टिकणारी मैत्री हवी आहे. आणि ती तशी टीको हीच त्या मित्राच्या कल्पनेतील प्रकृत्री परमेश्वरा जवळ प्रार्थना. 

शुभं भवतु