निर्माता

निर्माता 

शब्दघन येतात  जूळूनी चिंतनी सामर्थ्य वाहे 

मोजक्या शब्दात सांगे भाव ती जाई प्रवाहें 

काव्य ते स्फुरते सृजनता  देणं आहे  त्या प्रभूची 

स्वप्नवत वाटे अशी ही शक्ती जणू त्या शारदेची 

का कूणाला या इथे मन मांडता येते सहजची 

का कूणी येथे  खेळतो शब्द तेही  सोंगटीवत 

का कूणी येथे झगडतो मांडण्या त्या भावनाही 

का कूणी येथे अजूनही बोलतो त्या माऊलीप्रत  

हे असे आहे इथे अन बोलणे ते नाही राऊ 

असूनही येथे सृजनता बोलणे नाही देव  हा 

खेळ हा आहे तयाचा मानणे नाही कठीणहि 

दृष्टीचा तो दोष आहे सांधण्याचा फक्त सूर हा 

सुमनही आहेत येथे विविधरंगी विविधगंधी 

जीवही आहेत येथे सृजनता ती नाही कैसी 

ही दिशा या तारका हा चंद्र अन तो सूर्य हि 

कोण गेले निर्मुनी ही  अद्भुता नाहीच कैसी 

नेटके  तरी सांगणे मग जन्म तुमचा जाहला ना 

कि तुम्ही त्याही गोष्टी  ठेवणे विश्वास नाही 

रागदारी गायने हि ह्या कला आल्या कूठूनश्या 

ह्या कला चौसष्ठ तरीही आमुचा विश्वास नाही 

त्या सृजनशील वल्लरीविण कोण करू जाणेल ऐसे 

नव रसाची निर्मिती अन सप्त रंगी ल्यायले जग 

सप्त पाताळें नि स्वर्गे  सप्त गंधर्वही दिधले  

सप्तसूर अन कैक गंधी खूलूनही बघ राहिले जग

मान अथवा मान नाही दे तया आहे हे निश्चित

सांग अथवा सांग नाही तो तुला देईल निश्चित 

बोल अथवा मूक संमती दे तरी आहे हे निश्चित 

सांगणे इतकेच तू  त्या नमन कर,  आहे  हे निश्चित

कवी : प्रसन्न आठवले 

१०/०७/२०१७

१०. १९