सांज पावसाळी धुके फाटलेले
सांज पावसाळी धुके फाटलेले
सर घेऊन आली उरी दाटलेले
जसे शब्द थेंबातूनी मांडलेले
तूला सांगणे जे मनी साठलेले
पडे पान पानी मनातील भाव
तूला सांगणे का पडे नाही ठाव
मनी काय तूझीया नसे काही ठाव
मनी वाटले की तूझे हेच भाव
जसे पावसाळी तसे कुंद वाटे
मनी भाव येती परी बोल आटे
तूला ऐकू येइ मनी प्रीत दाटे
मनी बोल मी धाडले मेघ वाटे
जशी धार ती सांडते या धरेला
तशी येसी तू धावूनी या हाकेला
तूला पाहुनी वर्षती मेघमाला
मनी आस ये घेऊनी स्वप्नमाला
कवी : प्रसन्न आठवले
१२/०७/२०१७
१०:२२
Comments
Post a Comment